ഈ പരസ്യം ഇന്ന് മാതൃഭൂമിയില്‍ കണ്ടപ്പോള്‍ സത്യം പറഞ്ഞാല്‍ സന്തോഷം തോന്നി. കാരണം ഇന്നലെ ഇതേ സ്ഥാപനത്തിലെ ഒരു ഉദ്യോഗസ്ഥനെ പീഡനക്കേസില്‍ പോലീസ് അറസ്റ്റ് ചെയ്തിരുന്നല്ലോ, ആ വാര്‍ത്തയില്‍ സോഷ്യല്‍ മീഡിയയുടെ ശക്തമായ ഇടപെടലുകള്‍ ഉണ്ടായത് കാരണം സ്വന്തം സ്ഥാപനത്തില്‍ നടന്ന കാര്യം ആയതുകൊണ്ട് അത് ചാനലിനു ചീത്തപ്പേര് ഉണ്ടാക്കും എന്നുള്ള ധാരണകള്‍ എല്ലാം മാറ്റിവച്ചുകൊണ്ട് അവര്‍ ചര്‍ച്ച നടത്തി. തികച്ചും അഭിനന്ദനം അര്‍ഹിക്കുന്ന ഒരു കാര്യം തന്നെ. അതുകൊണ്ട് തന്നെ അതിനെ അഭിനന്ദിക്കുകയും ചെയ്യുന്നു.
പക്ഷെ എന്നും കാണുന്ന ചര്‍ച്ചയില്‍ തികച്ചും വ്യത്യസ്തമായിട്ടായിരുന്നു ഇന്നലത്തെ ചര്‍ച്ച.
കടിച്ചു കീറാന്‍ നില്‍ക്കുന്ന ഒരു ചെന്നായയില്‍ നിന്ന് മീന്‍ തല കിട്ടുവാന്‍ വേണ്ടി കാത്തിരിക്കുന്ന ഒരു പൂച്ചയിലേക്കുള്ള ദൂരമായിരുന്നു ഇന്നലെ ചര്‍ച്ചയില്‍ ശ്രീ വേണു കാണിച്ചു തന്നത്... അതും അഭിനന്ദനം അര്‍ഹിക്കുന്ന ഒരു കാര്യം തന്നെ.
കാരണം തന്റെ മുന്നില്‍ ഒരു ചര്‍ച്ചയ്ക്ക് വന്നിരിക്കുന്ന ഏവര്‍ക്കും അവരുടെ അഭിപ്രായം പറയുവാനുള്ള സ്വാതന്ത്ര്യം ഉണ്ട് എന്ന് ഇന്നലെ ശ്രീ വേണുവിന് മനസ്സിലായിക്കാണും എന്ന് കരുതുന്നു.
അതുപോലെ തന്നെ പ്രതിപ്പട്ടികയില്‍ ഉള്‍പ്പെടുത്തി പോലീസ് അറസ്റ്റ് ചെയ്യുമ്പോഴേക്കും അയാള്‍ പ്രതിയാകുന്നില്ല എന്നതും കുറ്റം തെളിഞ്ഞാല്‍ മാത്രമേ പ്രതിയാകൂ എന്നതും അതിനു ശേഷം മാത്രമേ കര്‍ശന നടപടികള്‍ കൈക്കൊള്ളുകയുള്ളൂ എന്നും മാതൃഭൂമിയുടെ തന്നെ ശ്രീ ആനന്ദ്‌ പറഞ്ഞിരിക്കുന്നു...
ഞാന്‍ ഉള്‍പ്പെടുന്ന സമൂഹത്തിന് ശ്രീ വേണുവിനോട് പറയാന്‍ ഉള്ളതും അത് തന്നെ.. ചര്‍ച്ചകള്‍ നടത്താം അത് മാന്യമായ രീതിയില്‍ ആകണം, വാര്‍ത്ത ചാനലില്‍ന്റെ റേറ്റിംഗ് കൂട്ടുവാന്‍ വേണ്ടിയാകരുത്. റേറ്റിംഗ് കൂട്ടുവാന്‍ വേണ്ടി സിഡി അന്വേഷിച്ചോ മെമ്മറി കാര്‍ഡ് അന്വേഷിച്ചോ പോകണമെന്നില്ല. സത്യസന്ധമായ വാര്‍ത്തകള്‍ ജനങ്ങളില്‍ എത്തിച്ചാല്‍ അവര്‍ നിങ്ങള്‍ക്കൊപ്പം നില്‍ക്കും........
റേറ്റിംഗ് നോക്കാതെ സ്തീകള്‍ക്ക് മാത്രമല്ല എല്ലാവര്‍ക്ക് വേണ്ടിയും നിങ്ങള്‍ സംസാരിക്കണം.....
(NB: ചെന്നായയില്‍ നിന്നും പൂച്ചയിലെക്കുള്ള ദൂരം എന്ന് പറഞ്ഞത് വേഗം മനസ്സിലാകുവാന്‍ വേണ്ടിയാണ് , അദ്ദേഹം അങ്ങനെയാണെന്ന് ഞാന്‍ പറയുന്നില്ല )