എന്തുകൊണ്ട് നമ്മുടെ നാട് ഈ അവസ്ഥയില്‍ പോകുന്നു? ഇങ്ങനെപോയാല്‍ വരുംകാലം പെണ്‍കുട്ടികള്‍ തീരെ ഇല്ലാത്ത ഒരു അവസ്ഥയിലേക്ക് നമ്മുടെ നാടും മാറും എന്ന കാര്യത്തില്‍ യാതൊരു സംശയവുമില്ല. 3 വയസ്സുള്ള പിഞ്ചുകുഞ്ഞു പോലും നമ്മുടെ കണ്മുന്‍പില്‍ പീഡനത്തിനു ഇരയായി മരണപ്പെടുന്ന വാര്‍ത്തകള്‍ ആണ് നാം എന്നും തന്നെ കേള്‍ക്കുന്നത്. അത് തന്നെയാണ് മാതാപിതാക്കള് പെണ്‍കുഞ്ഞു ജനിക്കരുത് എന്ന് ഇപ്പോള്‍ ആശിക്കാന്‍ കാരണവും.
ആദ്യകാലങ്ങളില്‍ പെണ്‍കുട്ടികള്‍ വയസ്സറിയിച്ചാല്‍ പിന്നെ അവരെ വീട്ടില്‍ നിര്‍ത്തില്ല പെട്ടെന്ന് തന്നെ കെട്ടിച്ചു വിടുമായിരുന്നു. പിന്നെ അവരുടെ പ്രധാനപണി ഭര്‍ത്താവിന്റെ വീട്ടിലെ ജോലികള്‍ നോക്കുക, കുട്ടികള്‍ ഉണ്ടായാല് അവരെ പരിചരിക്കുക അങ്ങനെ പോകുന്നു ഒരു സ്ത്രീയുടെ ജീവിതം. എന്നാല്‍ ഈ യുഗത്തില്‍ അതില്‍ ഒക്കെ വല്യ വ്യത്യാസം വന്നു.
ഇപ്പോള്‍ മാതാപിതാക്കള് പെണ്‍കുട്ടികള്‍ക്ക് വേണ്ടുവോളം വിദ്യാഭ്യാസം നല്‍കുന്നു. അവര്‍ പഠിച്ചു വലിയ വലിയ കമ്പനികളില്‍ എത്തിച്ചേരുന്നു. ബഹിരാകാശത്ത് പോലും ഇന്ന് പെണ്‍പട സ്ഥാനം നേടിയിരിക്കുന്നു. അഭിമാനപൂര്‍വ്വമായ ഒരു നേട്ടമാണ് സ്ത്രീകളെ സംബന്ധിച്ച് ഇതൊക്കെ. പക്ഷെ ഇത്രയൊക്കെ ഉയരത്തില്‍ ഒരു പെണ്‍കുട്ടി എത്തുമ്പോഴും അവള്‍ സുരക്ഷിതയാകുന്നില്ല.
കാമം എന്തെന്ന് അറിയാത്ത കുഞ്ഞു മക്കള്‍ നമ്മുടെ മടിയില്‍ കയറി ഇരിക്കും, പക്ഷെ അവിടെ ആ ഇരുത്തത്തിന് ഇന്ന് പലരും മറ്റൊരു സുഖം കണ്ടെത്തുന്നു. അതിനും വ്യക്തമായ കാരണം ഉണ്ട്, ലൈംഗികത എന്താണെന്ന് എന്നതിനെക്കുറിച്ച് ഇങ്ങനെ ചെയ്യുന്നവര്‍ക്ക് ഒരു അറിവും ഉണ്ടാകില്ല. അത് പറഞ്ഞു കൊടുക്കാന്‍ സമൂഹവും അല്ലെങ്കില്‍ അവരുടെ മാതാപിതാക്കളും തയ്യാറാകുന്നില്ല. ആണ്കുട്ടിയോടും പെണ്‍കുട്ടിയോടും മാതാപിതാക്കള് നിര്‍ബന്ധമായും പറഞ്ഞു മനസ്സിലാക്കി കൊടുക്കണം എന്താണ് സെക്സ് എന്നത്.
അല്ലെങ്കില്‍ ഇനി വരുന്ന തലമുറയ്ക്ക് ചിലപ്പോള്‍ സ്വന്തം സഹോദരിയെപ്പോലും തിരിച്ചറിയാന്‍ കഴിഞ്ഞെന്നു വരില്ല. പെണ്‍കുട്ടികള്‍ വളരട്ടെ നമ്മുടെ സുരക്ഷയില്‍, അവര്‍ക്ക് സുരക്ഷയൊരുക്കേണ്ടത് ഞാന്‍ ഉള്‍പ്പടെ ഉള്ള പുരുഷന്മാരുടെയും ഉത്തരവാദിത്തമാണ്. കാമകണ്ണുകള്‍ അല്ല വേണ്ടത് സംരക്ഷണം തീര്‍ക്കുവാനുള്ള ശക്തമായ കൈകള്‍ ആണ് വേണ്ടത്.....
എന്റെ മറ്റൊരു എഴുത്ത്....